نزیكەی 30 دەستپێشخەری ئاشتی لەسەر ئۆكرانیای گەیشتوونەتە رووسیا
هەولێر- نۆرس پرێس
ئەمڕۆ شەممە وەزارەتی دەرەوەی ڕوسیا رایگەیاند، نزیكەی 30 دەستپێشخەری ئاشتی سەبارەت بە ئۆكرانیا گەیشتوەتە وڵاتەكەی و سەرجەمیان تاوتوێ دەكرێن.
ماریا زاخارۆڤا وتەبێژی وەزارەتی دەرەوەی ڕوسیا لەکۆنگرەیەکی رۆژنامەوانیدا رایگەیاند، ڕوسیا نزیكەی 30 دەستپێشخەری ئاشتی لە ڕێگەی كەناڵە فەرمی و نافەرمیەكانی پەیوەندیكردن لەسەر ئۆكرانیای پێگەیشتووە.
ئەوەشی خستەڕوو، لەئێستادا بەرپرسانی روسیا تاوتوێی سەرجەم دەستپێشخەریەكان دەكەن، تاوەكو ئێستاش دەرگای دانوستان و گفتوگۆیان بەڕوی هیچ وڵاتێكدا کە تایبەتن بە ململانێی ئۆكرانیا دانەخستووە.
پێشتریش ڤۆڵۆدمیر زلێنسكی سەرۆكی ئۆكرانیا رایگەیاندبوو، هەر دانوستانێكی ئاشتی دەبێت دوای كشانەوەی هێزەكانی ڕوسیا لە خاكی ئۆكرانیا ئەنجامبدرێت