لەماوەی چەند کاتژمێرێکدا.. تورکیا 120 پەنابەری سوریا دیپۆرت دەکاتەوە

ئیدلیب – نۆرس پرێس

دوێنێ پێنجشەممە، دەسەڵاتدارانی تورکیا 120 پەنابەری سووریا، کە ژن و منداڵیان تێدابوو، لە رێگەی دەروازەی باب ئەلهەواوە بۆ ئیدلب لە باکووری رۆژئاوای سوریا دیپۆرتکردەوە.

سەرچاوەیەکی کارگێڕی لە دەروازەی باب ئەلهەوا دوێنێ بە نۆرس پرێسی راگەیاند، “جەندرمەی تورکیا ئێوارەی ئەمڕۆ نزیکەی 120 پەنابەری سورییان لە ڕێگەی دەروازەی باب ئەلهەواوە، بەرەو باکووری رۆژئاوای سوریا دیپۆرتکردەوە، لەنێویاندا 45 ژن لەگەڵ منداڵەکانیان هەیە، بەبێ ئەوەی خێزانەکانیان ئاگاداربکەنەوە لە دەستگیرکردن و دیپۆرتکردنەوەی منداڵەکانیان، کە لە تورکیا نیشتەجێن”.

ئاماژەی بەوەشکرد، دەسەڵاتدارانی تورکیا چاپی چاو و پەنجەمۆر و سەرجەم ناسنامەکانیان بردوون، بۆ ئەوەی نەگەڕێنەوە بۆ تورکیا، هەرچەندە ساڵانێکە لەوێ کار دەکەن و نیشتەجێن.

لەم هەفتەیەدا دەسەڵاتدارانی تورکیا لە رێگەی دەروازەکانی باب ئەلهەوا و گرێ سپی و باب ئەلسەلامەوە، لە باکووری سوریا، زیاتر لە هەزار پەنابەری سورییان دیپۆرتکردەوە، کە زۆربەیان ژن و منداڵ بوون.

ئامادەکردنی: هانی سالم – داڕشتنەوەی: سەعد ئەلیازچی