وەزارەتی دەرەوەی رووسیا بەردەوامیی پەیوەندییەکانی نێوان ئەنقەرە و دیمەشق لە شێوەی ئاستانە رادەگەیەنێت

دیمەشق – نۆرس پرێس

وەزارەتی دەرەوەی رووسیا، ئەمرۆ پێنجشەممە رایگەیاند، پەیوەندییەکانی نێوان ئەنقەرە و دیمەشق لەسەر ئاستە جیاوازەکان لە شێوەی ئاستانە بەردەوام دەبێت، بەبێ ئەوەی رۆژ و شوێنێک بۆ کۆبوونەوەی دواتر دیاریبکات.

سێرگی ڤێرشینین، جێگری وەزیری دەرەوەی رووسیا، لە بەیاننامەیەکی رۆژنامەوانیدا کە ئاژانسی تاس بڵاویکردووەتەوە، رایگەیاندووە، پێشتر چەند کۆبوونەوەیەک لەنێوان سوریا و تورکیا لە ئاستە جیاجیاکان (وەزارەتی دەرەوە و وەزارەتی بەرگری) ئەنجام دراون، و ئەو پەیوەندیانەش لە 1999دا بەردەوام دەبن هەموو ئاستەکان، ” لە هەمووی گرنگتر، کاریگەریی خۆیان دەسەلمێنن.”

ئەو بەرپرسە رووسییە کۆبوونەوەیەکی دواتری لە شێوەی ئاستانە راگەیاند، بەبێ ئەوەی رۆژ و شوێنەکەی دیاریبکات.

لە 20 و 21ی حوزەیران، ئاستانە بە شێوەی ناسراوی خۆی میوانداری 20ەمین کۆبوونەوەی خۆی کرد سەبارەت بە سوریا، لە دانوستانەکاندا شاندەکانی وڵاتانی رووسیا، تورکیا و ئێران، هەروەها نوێنەرانی حکومەتی سوریا و ئۆپۆزسیۆنی سوریا، هاوکات نوێنەرانی نەتەوە یەکگرتووەکان، ئوردن، لوبنان و عێراق وەک چاودێر بەشداریان کرد.

لە کۆتایی 20 دیدارەکەدا بە شێوەی ئاستانە، کازاخستان رایگەیاند کە ئەو کۆبوونەوەیە دوا کۆبوونەوە دەبێت، پاساوی ئەوەی هێنایەوە بەوەی کە دۆخی دەوروبەری سوریا شایەتی گۆرانکارییەکی ریشەیی بووە، بەتایبەتی دوای دەستپێکردنەوەی پەیوەندییەکانی سوریا لەگەڵ دراوسێکانی و گەرانەوەی دیمەشق بۆ کۆمکاری عەرەبی.

دانوستانەکان سەبارەت بە سوریا بۆ یەکەمجار لە مانگی یەکی ساڵی 2017 لە پایتەختی کازاخستان بەرێوەچوو.

  بەڵام مۆسکۆ بە خێرایی هەوڵیدا بەیاننامەی کازاخستان بەدەر بکات، و پابەندبوونی لایەنەکانی بە رێرەوەکە پشتراستکردەوە، کە بە وتەی خۆی “دەچێتە سەر سەکۆیەکی نوێ بۆ تەواوکردنی خولەکانی”.

لە دوایین دیدارەکەدا تیشک خرایە سەر پەیوەندییەکانی نێوان ئەنقەرە و دیمەشق، کە تیایدا هەردوولا باسیان لە زاراوەی هاوبەشی پەیوەندیدار بە بوونی سەربازی تورکیا لە باکووری سوریا کرد.

پرۆسەی ئاساییکردنەوەی پەیوەندییەکانی نێوان ئەنقەرە و دیمەشق لە 28ی کانوونی دووەمی 2022 لە مۆسکۆ دەستیپێکرد، کاتێک راوێژکاری لە نێوان سەرۆکی بەشە سەربازییەکانی (بەرگری و هەواڵگری) رووسیا و سوریا و تورکیا ئەنجامدرا، دواتر ئێران لە کۆبوونەوەیەکی دواتردا پەیوەندییان پێوەکرد.

لە ئەنجامی کۆبوونەوەی چوارەکەی وەزیرانی دەرەوەی فیدراسیۆنی رووسیا، ئێران، سووریا و تورکیا لە 10ی ئایار، لە مۆسکۆ، بریاردرا ئەو جێگرانە راسپێردراون بۆ ئامادەکردنی نەخشەرێگا بۆ پەرەپێدانی پەیوەندییەکانی نێوان دیمەشق و ئەنقەرە.

ڤێرشینین وتی کازاخستان “زۆر کاری کردووە بۆ ئەم هەماهەنگییە، هەستێکم هەیە کە هێشتا دەتوانن زۆر شت بکەن بۆ بەردەوامبوون لە هەوڵەکانیان”.