لە عەفرین چوار کەس دەستگیرکران

عەفرین – نۆرس پرێس

پاشنیوەڕۆی ڕۆژی چوارشەممە،  پۆلیسی سەربازیی لایەنگری تورکیا، چوار کەسیان لە عەفرینی داگیرکرو و گوندەوارەکانی باکوری حەلەب دەستگیرکرد.

سەرچاوەیەکی ناوخۆیی بە نۆرس پرێسی ڕاگەیاند، پۆلیسی سەربازی هەڵیکوتایە سەر ماڵی 4 کورد لە گوندی جلمەی سەر بە قەزای جندرێس لە گوندەوارەکانی عەفرین و دەستگیرکران.

 سەرچاوەکە ئاماژەی بەوەشکرد، ئەو تۆمەتەی کە خراوەتە پاڵیان، ئەنجامدانی خزمەتی بەرگریکردنە لە سەردەمی بەرێوەبەرایەتی خۆسەر لە ناوچەکەدا، پێش ئەوەی تورکیا کۆنترۆڵی بکات، لە ساڵی 2018دا.

دەستگیرکراوەکان چارەنووسیان نادیارە و بۆ شوێنێکی نهێنی گواستراونەتەوە.

سەرچاوەکە ئاماژەی بەوەشکردووە، دەستگیرکراوەکان بریتین لە عەبدولڕەحمان عەلیکۆ  و محەمەد بنافشە و جومعە عەلون و خالد کەلخلۆ کە دانیشتوانی ڕەسەنی گوندەکەن.

دەستگیرکردنی هاوڵاتیان لە عەفرین لەلایەن گروپەکانی لایەنگری ئەنقەرە بەردەوامە، بە تۆمەت و بیانووی ئامادەکراو، بە ئامانجی فشارخستنە سەریان بۆ ئەوەی لە ناوچەکە دەریانبهێنن، هەروەها بە مەبەستی وەرگرتنی بڕە پارەیەک لە بنەماڵەکانیان بۆ ئازادکردنیان.

ئامادەکردنی: فاروق حەمۆ – داڕشتنەوە: مالین محەمەد