کەشناسی سوریا: شەپۆلێکی گەرما لە سەرەتای هەفتەی داهاتوودا بەڕێوەیە
دیمەشق – نۆرس پرێس
بەڕێوەبەرایەتی گشتی کەشناسی لە بڵاوکراوەی ئەمڕۆ چوارشەممەدا پێشبینی کرد لە هەفتەی داهاتوودا شەپۆلێکی گەرما رووبکاتە ناوچە جیاجیاکان، پلەکانی گەرما 3 بۆ 6 پلەی سیلیزی زیاتر لە ئاستی مامناوەندی لە سەرجەم ناوچەکانی رۆژئاوای کوردستان و سوریادا بەرز دەبنەوە.
راشیانگەیاند کە کەش و هەوا بەگشتی هاوینە و گەرم و روونە، لەگەڵ بەدیکردنی هەوری زۆر گەرم لە ناوچەکانی رۆژهەڵات و جەزیرە و بادییە.
ئاراستەی با لە رۆژئاواوە بۆ باشووری رۆژئاوا دەبێت، لە نێوان سووک و مامناوەنددا، لەگەڵ گەرمایەکی چالاک، کە لە هەندێک کاتدا تۆز لە هەندێک ناوچەی ناوخۆییەوە بەرزدەکاتەوە، هەروەها شەپۆلەکانی دەریا نزم دەبن.
هۆشداریشیاندا لە بەرکەوتنی تیشکی خۆر بەتایبەت لە کاتی گەرمادا.
ئەمەش لەکاتێکدایە کە تورکیا رێگری دەکات لە تێپەڕینی ئاو بۆ ناو خاکی سوریا و رۆژئاوای کوردستان، لەم کاتەدا کە پلەکانی گەرما زۆر بەرزن، کە ئەگەری کەوتنەوەی قەیرانی مرۆیی لەو ناوچانە زیاتر کردووە.