عێراق.. لە سێ ئۆپەراسیۆندا 10 ئەندامی داعش دەستگیرکران
هەولێر – نۆرس پرێس
ئەمرۆ دووشەممە، 10ی تەمموزی 2023،، هێزە عێراقییەکان دەستگیرکردنی 10 ئەندامی رێکخراوی دەوڵەتی ئیسلامی (داعش)یان لە ماوەی 24 کاتژمێری رابردوودا راگەیاند، لە چەند ئۆپەراسیۆنێکدا لە ناوچە جیاجیاکانی باکور و باشووری ئەو وڵاتە.
دەزگای هەواڵگری عێراق لە بەیاننامەیەکدا رایگەیاندووە، مەفرەزەکانی دەزگای هەواڵگری لە پارێزگای نەینەوا، لە رێگەی بەدواداچوونیان بۆ رێکخراوی “داعش”، توانیویانە سێ ئەندام دەستگیربکەن.
ئۆپەراسیۆنەکە لەسەر بنەمای زانیاریی “ئەمنی و هەواڵگری” ئەنجامدراوە، لەکاتێکدا ئەو بەڵگەنامانەی کە لە بەیاننامەکەدا ئاماژەیان پێکراوە، ئاماژە بەوە دەکەن کە ئەو ئەندامە دەستگیرکراوانە سەر بە بەناو “فیرقەی ئەلفورقان، کەمپە گشتییەکان، و لیوای فەلوجە”ن لەناو رێکخراوەکەدا.
لە ئۆپەراسیۆنێکی جیادا، بەرێوەبەرایەتیی هەواڵگری سەربازی بۆسەیەکی وردی لە گوندی ئەلعەزبەی سەر بە پارێزگای نەینەوا راگەیاند، لە ئەنجامدا ئەندامێکی داعش دەستگیرکرا، کە وەک چەکدارێک لە ریزەکانی رێکخراوەکەدا کاری دەکرد.
لە باشووری وڵاتەکەش، دەزگای هەواڵگری و لێکۆڵینەوەی فیدراڵی شەش ئەندامی دەستگیرکرد، کە یەکێکیان لە ساڵی 2010 بەشداری لە کوشتنی بەرپرسێکی ناوخۆییدا کردبوو.
لە راگەیەندراوەکەدا ئاماژە بەوەشکراوە، بەڵگەنامە و زانیارییەکان ئاماژە بەوە دەکەن کە تۆمەتباران سەر بە دەوڵەتی بەناو “دەوڵەتی باشوور” بوون و زۆربەیان بەشدارییان لە شەڕی هێزە چەکدارەکان و خزمەتگوزارییە ئەمنییەکان کردووە، هەروەها بەڵگەنامەی ساختەیان بەکارهێناوە بۆ خۆدزینەوە لە دەزگا ئەمنییەکان.