بەهای دۆلاری ئەمریکی نزیک دەبێتەوە لە 10 هەزار لیرەی سوری
قامشلۆ– نۆرس پرێس
ئەمڕۆ دووشەممە، بەهای دۆلاری ئەمریکی بەرامبەر بە لیرەی سوری لە بازاڕەکانی ئاڵوگۆڕی بازرگانیدا، لە سەرجەم ناوچەکانی سوریا بەرزبووەوە.
لە دیمەشق نرخی دۆلار گەیشتە 9 هەزار و 700 لیرە بۆ فرۆشتن و 9 هەزار و 600 لیرە بۆ کڕین، هەروەک چۆن لە ئیدلب 9 هەزار و 650 لیرە بۆ فرۆشتن و 9 هەزار و 600 لیرە بۆ کڕین و لە حەڵەبیش 9 هەزار و 800 بۆ کڕین و 9 هەزار و 900 بۆ فرۆشتن، بەپێی ماڵپەڕی “لیرەی ئەمڕۆ”.
بەپێی زانیارییەکانی دوو ناوەندی ئاڵوگۆڕکردنی دراو کە بە نۆرس پرێسیان راگەیاند، نرخی لیرە بەرامبەر دۆلار لە بازاڕەکانی قامیشلۆ و حەسەکە بەمشێوە بوو (9700 بۆ فرۆشتن، 9600 بۆ کڕین).
نرخی ئاڵوگۆڕی دراو لە رەققە بۆ کڕین گەیشتە 9 هەزار و 700 لیرە و بۆ فرۆشتنیش گەیشتە 9 هەزار و 800 لیرە.
لەکاتێکدا بانکی ناوەندی سوریا لە بڵآوکراوەی حەواڵە و ئاڵوگۆڕی دراودا، نرخی دۆلاری ئەمریکی بەرامبەر بە لیرەی سوری لە هەشت هەزار و 500 لیرەوە بۆ 8 هەزار و 800 لیرە بەرزکردەوە، واتە 300 لیرە نرخەکەی بەرزکردەوە.