یەکێتی ئەوروپا سەرکۆنەی سووتاندنی قورئان لە سوید دەکات
هەولێر – نۆرس پرێس
ئەمرۆ شەممە، 1ی تەمموزی 2023، یەکێتی ئەوروپا، سەرکۆنەی سووتاندنی قورئان لەلایەن پەنابەرێکی عێراقی لە سوید کرد و ئەو کردەوەیەی بە “هێرشبەرانە و بێ رێزی ” وەسفی کرد.
یەکێتی ئەوروپا لە بەیاننامەیەکدا رایگەیاندووە، “دەرکەوتنی رەگەزپەرستی، بێگانەپەرستی و لێبوردەیی پەیوەندیدار بەم رووداوەوە هیچ جێگەیەکیان لە ئەوروپا نییە”.
ئەم لێدوانەی یەکێتییەکە چەند کاتژمێرێک دوای ئەوە هات کە رێکخراوی کۆنفرانسی ئیسلامی داوای کۆبوونەوەی بەپەلەی دەستەی کارگێری کرد بۆ چارەسەرکردنی دەرئەنجامەکانی سووتاندنی قورئان کە لەلایەن دادگا و پۆلیسی سویدەوە مۆڵەتی پێدرابوو.
یەکێتی ئەوروپا رایگەیاندووە کە “بە توندی” ئەو یاسایە کە لەلایەن پۆلیسی سویدەوە مۆڵەتی پێدراوە رەتیدەکەنەوە.
بەڵام لە هەمان کاتدا پابەندبوونی خۆی نوێکردەوە بۆ پشتیوانیکردن لە “ئازادی ئایین یان بیروباوەر و ئازادی رادەربرین”، چ لەناو وڵاتانی ئەندام و چ لەسەر ئاستی نێودەوڵەتی بێت.
ئەوە لەکاتێکدایە کە پەنابەرێکی تەمەن 37 ساڵانی عێراقی لە سوێد بە ناوی سەلوان مۆمیکا لە یەکەمین رۆژی جەژنی قوربان لە بەردەم گەورەترین مزگەوتی ستۆکهۆڵم کۆپیێکی قورئانی پیرۆزی سووتاند.
سووتاندنی ئەو کۆپییەی قورئانی پیرۆز لە سەرانسەری وڵاتانی زۆرینە موسڵمانان و چەند وڵاتێکی دیکەش ناڕەزایی و سەرکۆنەکردنی بەدوای خۆیدا هێنا.
یەکێتیی ئەورووپا داوای لە “سەرجەم لایەنە پەیوەندیدارەکان کرد کە رێگری لە هەر جۆرە رەفتارێکی لەو شێوەیە بکەن”.
زۆرێک لە وڵاتانی زۆرینەی موسڵمان لە رۆژهەڵاتی ناوەراست و دەرەوەی ئەو وڵاتە سووتاندنی قورئانیان ئیدانە کردووە و باڵیۆزەکانیان لە سویدەوە بانگهێشت کردووەتەوە و نێردراوەکانی سویدیان بانگهێشت کردووە بۆ ئەوەی پەیوەندییە نارەزایەتییەکان رادەستی ئەوان بکەن.
هەروەها یەکێتیی ئەورووپا ئیدانەی هێرشی رۆژی هەینی بۆ سەر باڵیۆزخانەی سوید لە پایتەختی عێراق کرد، کە لەلایەن کۆمەڵێک خۆپیشاندەرەوە لەسەر سووتاندنی قورئان ئەنجامدرابوو.