“کاواساکی” .. مەترسیدارترین نەخۆشییە کە تووشی منداڵانی خوار تەمەن پێنج ساڵ دەبێت
هەولێر – نۆرس پرێس
نەخۆشی کاواساکی یەکێکە لە هۆکارە سەرەکییەکانی سستبوونی دڵ لە منداڵانی خوار تەمەنی پێنج ساڵدا و لە ماوەی پێنج ساڵی رابردوودا حاڵەتەکانی تووشبوون بە نەخۆشییەکە بە شێوەیەکی بەرچاو بەرزبوونەتەوە.
سەرەتای مانگی حوزەیرانی ئەمساڵ، ئەو کاریگەرە لە سۆشیال میدیا دەنگدانەوەیەکی زۆری بەدوای خۆیدا هێنا.
نەخۆشی کاواساکی چییە؟
نەخۆشی کاواساکی واسکۆلیتێکی سیستەمێکی سەختە، بەو مانایە کە هەوکردنی دیوارەی دەمارەکانی خوێنبەر دەتوانێت ببێتە هۆی گوشادبوونەوەی (ئونوریسم) یەک یەکی هەر یەک لە خوێنبەرەکان بە رادەی مام ناوەند لە نێو لەشدا بە تایبەت خوێنبەرەکانی کرۆنێری.
نەخۆشییەکە بە شێوەیەکی سەرەکی تووشی منداڵانی خوار تەمەنی 5 ساڵ دەبێت.
هەروەها بە ‘نیشانەکانی گرێ لیمفاوی ‘ناسراوە، ئەم حاڵەتە دەتوانێت ببێتە هۆی ئاوسانی هەندێک لە خوێنبەرەکانی دەوروبەری دڵ و ئەگەر لە کاتی خۆیدا چارەسەر نەکرێت دەتوانێت کوشندە بێت.
منداڵان بە دەرمانی بەرگری گڵۆبۆلین چارەسەر دەکرێن، کە دەرمانێکە لە پلازمای بەخشراو دروست دەکرێت.
زۆربوونی ژمارەی تووشبووان بە نەخۆشییەکە بووە هۆی ئەوەی داوای بەخشینی پلازمای زیاتر بکرێت، بۆ ئەوەی یارمەتی گەنجان بدات بۆ چاکبوونەوە لەو نەخۆشییە.
بەپێی ئامارەکانی NHS، بەبێ چارەسەر، نزیکەی یەک لە هەر چوار منداڵی تووشبوو بە نەخۆشی کاواساکی تووشی ئاڵۆزییەکانی دڵ دەبن، کە دەتوانێت لە نزیکەی لەسەدا 2 بۆ 3ی حاڵەتەکاندا کوشندە بێت.
چۆن نیشانەکانی نەخۆشییەکە دەستنیشان دەکەیت؟
منداڵێک کە نەخۆشی کاواساکی هەیە ئەگەری هەیە تایەکی بەرزی هەبێت کە 5 رۆژ یان زیاتر بخایەنێت، و ئەگەری هەیە یەکێک یان زیاتر لەم نیشانانەی خوارەوە:
ئاوسانی رژێنەکانی مل
وشكبوونەوە و سوربوونەوەی لێو
ئەستبووربوونی زمان
سووربوونەوەی ناو دەم و پشتی قورگ
ئاوسان و سووربوونەوەی دەست و قاچ
سووربوونەوەی چاو
چارەسەر
دوای چەند هەفتەیەک و بە چارەسەری دروست، نیشانەکان کەمتر دەبنەوە، بەڵام لە هەندێک منداڵدا رەنگە ماوەیەکی زیاتری بخایەنێت بۆ چارەسەرکردن.
ئەگەر منداڵەکەت تایەکی بەرزی بەردەوامی هەبوو و یەکێک یان زیاتر لە نیشانەکانی نەخۆشی کاواساکی دەرکەوت، پێویستە بە پەلە سەردانی پزیشک بکات، بەتایبەتی ئەگەر منداڵەکە تەمەنی لە ساڵێک کەمتر بوو.
نیشانەکانی کاواساکی دەتوانێت هاوشێوەی ئەو حاڵەتانە بێت کە دەبێتە هۆی تووشبوون بە تا لە منداڵاندا.
نەخۆشی کاواساکی ناتوانرێت رێگری لێبکرێت، بەڵام منداڵان دەتوانن لە ماوەی 6 بۆ 8 هەفتەدا بە تەواوی چاکببنەوە، ئەگەر دەستنیشان بکرێت و بە خێرایی چارەسەر بکرێت.