“مەسەدە” و دەستەی هەماهەنگی نیشتمانی گەشتن بە “بەڵگەنامەیەکی لێکتێگەشتن”
قامشلۆ – نۆرس پرێس
دوینێ شەممە، ئەنجوومەنی سوریای دیموکرات “مەسەدە” و “دەستەی هەماهەنگی نیشتمانی” گەیشتنە “بەڵگەنامەیەکی لێکتێگەیشتن”، کە پێنج بڕگە لەخۆدەگرێت و رێگەخۆشکەرە بۆ میکانیزمەکانی هەنگاوی هاوبەش لە نێوان هەردوولادا.
دەستەی هەماهەنگی نیشتمانی هێزەکانی گۆڕانکاری دیموکراتی، هاوپەیمانییەک لە کەسایەتییە سیاسییە بێچەکەکانی ئۆپۆزسیۆن و لایەنەکانی ناو خاکی سوریا پێکدێت، لە مانگی حوزەیرانی 2011دا، بە ئامانجی یەکخستنی داواکارییەکانی ئۆپۆزسیۆن و هەوڵدان بۆ گفتوگۆی سیاسی و ناڕەزایەتی ئاشتیانە دژ بە دەسەڵات دامەزراوە.
راگەیاندنی یاداشتنامەی لێکتێگەیشتن لە میانەی کۆنفرانسێکی رۆژنامەوانیدا لە قامیشلۆ هات، کە “ئامینە عومەر و جاندا محەمەد” ئامادەی بوون و لە ڤییەناشەوە “ریاز دیرار”ی هاوسەرۆکی “مەسەدە” بەشێوەی ئۆنلاین بەشدار بوو.
لە لایەن دەستەی هەماهەنگی نیشتمانیەوە بۆ هێزەکانی گۆڕانکاری دیموکراتی، هەریەک لەمانەی خوارەوە بەشداریان کرد؛ (حەسەن عەبدولعەزیم، رێکخەری گشتی دەستەکە ، عەبدولقەهار سعود، ئەندامانی فەرمانگەی جێبەجێکاری دەستەکە ، عیزەت موحەیسن، لە دیمەشقی پایتەختی سوریاوە، جگە لە نور ئەلوەکی کە ئەویش ئەندامی فەرمانگەی جێبەجێکاری دەستەی هەماهەنگی نیشتمانییە بۆ هێزەکانی گۆڕانکاری دیموکراتی، کە لە بەرلینەوە بەشداربوو).
هەردوولا لەسەر پێویستی دامەزراندنی بەرەیەکی بەرفراوانی دیموکراسی نیشتمانی سوریا بۆ هێزەکانی شۆڕش و ئۆپۆزسیۆنی سوریا کۆک بوون،” بە پەسەندکردنی پڕۆژەی گۆڕانکاری دیموکراسی نیشتمانی و گواستنەوە لە ستەمکارییەوە بۆ دیموکراسی، بۆ دەرکردنی سوریا لەو کارەساتەی کە پێیدا تێدەپەڕێت”.
ئەو دوو لایەنە پێیان وابوو کە سەرکەوتنی چارەسەری سیاسی نیشتمانی بۆ قەیرانی سوریا بە بەشداریی هێزە سیاسییە دیموکراسییە نیشتمانییەکان لە پڕۆسەی سیاسی بەبێ وەدەرنانە بە پێی بڕیارنامەی ٢٢٥٤ی ساڵی ٢٠١٥ و سەرجەم بڕیارنامە پەیوەندیدارەکانی نەتەوە یەکگرتووەکان بەدەست دێت.
ئەمەش لە پێناو “بەدەستهێنانی ڕاگوزەری سیاسی و دادپەروەری ئینتقالی و کۆتایی هێنان بە “ڕژێمی ستەمکاری” و مۆلیدەکانی و نەهێشتنی “تیرۆر” بە هەموو شێوەکانییەوە و بەشداریکردن لە بەدیهێنانی گۆڕانی نەتەوەیی دیموکراتیک و بنیاتنانی دەوڵەتێکی دیموکراسی فرەیی سیاسی بە ئا سیستەمی لامەرکەزی کە سوریاییەکان لە دەستووری داهاتوودا لەسەری ڕێکدەکەون، بەپێی ئەوەی هاتووە.لە بڕگەی دووەمدا.
لە راگەێنراوەکەدا هاتووە کە “ئەو دوو لایەنەی پڕۆژەی دیموکراسی نیشتمانیی پەسەند دەکەن، هەموو ئەو پڕۆژە و هەوڵە دابەشکەر و دابڕانکارانە رەتدەکەنەوە کە هەڕەشە لە یەکڕیزی خاک و گەلی سوریا دەکەن، هەروەها کار بۆ دەرچوونی هەموو گروپە چەکدارەکان و میلیشیا ناسوریاییەکان و هێزە بیانییەکان دەکەن کە لەسەر خاکی سوریا ئامادەن، بەبێ ئەوەی پشت بە هیچ لایەنێکی دەرەکی ببەستن”.
“مەسەدە” و کۆمیتەی هەماهەنگی نیشتمانی جەختیان لەوە کردەوە کە چارەسەری سیاسی نیشتمانی بۆ قەیرانی سوریا تاکە رێگەیە کە لە شەڕی سوریا کۆتایی پێبهێنێت و خواستەکانی سوریاییەکان بەدیبهێنێت و یەکپارچەیی خاکەکەیان بپارێزێت”.
ئەمە جگە لە راگرتنی جەنگ و کۆتاییهێنان بە توندوتیژی و هەموو دەرکەوتە سەربازییەکان لە سوریادا، هاوکات بە ئازادکردنی دەستگیرکراوەکان لە زیندانەکانی “رژێم” و زیندانەکانی دیکە لە سەرتاسەری خاکی سوریا، و کۆتاییهێنان بە هەموو لێپێچینەوەکان، زانینی چارەنووسی دیارنەماوان و راگرتنی گۆڕانکاری دیمۆگرافییان و گەڕاندەوەی ئاوارەکان بۆ ناوچەکانی خۆیان.
لە بڕگەی پێنجەمدا، هەردوولا رێککەوتن لەسەر رووبەڕووبوونەوەی گەندەڵی بە هەموو شێوەکانییەوە، پێشخستنی ئابووریی نیشتمانی، کارکردن بۆ زاڵکردنی دادپەروەری و سەربەخۆیی دەسەڵاتی دادوەری بە شێوەیەک کە ماف و کەرامەتی خەڵک بپارێزێت و بەهێزکردنی ژنان بۆ ئەوەی رۆڵی خۆیان لە دەوڵەت و کۆمەڵگا بگێڕن و پشتگیری گەنجان بکەن بۆ ئەوەی رۆڵی سەرکردایەتی لە ئێستا و داهاتوودا بگێڕن.