عێراق.. 10 ئەندامی “داعش” لە رۆژهەڵاتی ئەو وڵاتە کوژران

هەولێر – نۆرس پرێس

شانەی راگەیاندنی ئەمنیی عێراق، ئەمرۆ شەممە، کوژرانی 10 ئەندامی رێکخراوی دەوڵەتی ئیسلامی (داعش)ی لە ماوەی 24 کاتژمێردا لە پارێزگای دیالە راگەیاند.

لە راگەیەندراوێکی شانەی ئەمنی حکومەتدا هاتووە، هێزە عێراقییەکان بە هەموو جۆرەکانیانەوە بەردەوامن لە پاراستنی فشارەکان لەسەر ئەو رێکخراوە بەپێی “پلانێکی توند” کە زیانێکی زۆری بەسەر “تیرۆریستان” گەیاندووە و پێگەکانیان لەناوبردووە.

لە راگەیەندراوەکە ئاماژە بەوەشکراوە، رۆژی هەینی، هێزی ئاسمانی عێراق هێرشێکی ئاسمانی “سەرکەوتوو”ی لە زنجیرە چیای حەمرین دەستپێکردووە و بەهۆیەوە چوار شەڕڤان کوژراون.

  هەروەها دەزگای بەرەنگاربوونەوەی تیرۆر توانی لە ئۆپەراسیۆنی ئاسمانیدا سێ ئەندامی دیکە بکوژێت.

دوابەدوای ئەمەش شانەی راگەیاندنی ئەمنی رایگەیاند، شوێنەکانی تری رێکخراوەکە لە چیای حەمرین کراونەتە ئامانجی هێزی ئاسمانی کە لە ئەنجامدا لەناوچوونیان و کوژرانی سێ ئەندامی دیکەی ئەو رێکخراوە بوون.

چیای حەمرین بە یەکێک لە دیارترین شوێنەکان دادەنرێت کە جێگەی جموجۆڵی بەردەوامەکانی رێکخراوی “داعش”ە، بەهۆی سروشتی ناڕێکەکەیەوە.

بەگوێرەی ئامارێک کە لە کۆتایی راگەیەندراوەکەدا هاتووە، کۆی گشتی ئەو کەسانەی لە ماوەی 24 کاتژمێری رابردوودا کوژراون بۆ 10 کەس بەرزبووەتەوە.