دەروازەی باب ئەلهەوا ژمارەی ئەو سووریانەی لە تورکیاوە دەگەنە سوریا ئاشكرا دەکات

ئیدلب – نۆرس پرێس

رۆژی شەممە، 29ی نیسانی 2023، ئیدارەی دەروازەی سنووری باب ئەلهەوا لەگەڵ تورکیا، لە باکووری ئیدلب، رایگەیاند، ژمارەی ئەو سووریانەی لە پارێزگا زیانلێکەوتووەکانی تورکیاوە دەگەنە ناوچەکانی سوریا گەیشتووەتە زیاتر لە 22 هەزار و 500 کەس.

بەگوێرەی دوایین ئامار، کە لە هەژمارە فەرمییەکان بڵاوی کردۆتەوە، ژمارەی ئەو سوریانەی لە دەروازەکانی باب ئەلهەوا لە گوندەکانی ئیدلب، جەرابلوس، باب ئەلسەلامە لە باکووری حەلەب و تەل ئەبیاد لە باکووری رەقە گەیشتوونەتە باکووری رۆژئاوای سووریا، گەیشتووەتە زیاتر لە 65 هەزار کەس.

دوای ئەو بوومەلەرزەی تورکیا، دەسەڵاتدارانی تورکیا ڕێگەیان بە پەنابەرە سوورییەکان داوە لە سێ بۆ شەش مانگ سەردانی سوریا بکەن.