وەزیری نەوتی عێراق: لە چەند رۆژی داھاتوودا ھەناردەی نەوتی ھەرێمی کوردستان دەستپێدەکاتەوە
هەولێر – نۆرس پرێس
وەزیری نەوتی عێراق رایگەیاند، لە چەند رۆژی داھاتوودا ھەناردەی نەوتی ھەرێمی کوردستان دەستپێدەکاتەوە.
حەیان عەبدولغەنی، وەزیری نەوتی عێراق رایگەیاند، حکومەتی ناوەندی گەیشتوەتە قۆناغی کۆتایی جێبەجێکردنی رێککەوتنی نێوان ھەولێر و بەغدا و ھەناردەی نەوتی ھەرێمی کوردستان دەستپێدەکاتەوە.
ئەوەشی راگەیاند، کۆمپانیای سۆمۆ کە ئەرکی وەرگرتن و ھەناردەی نەوتی ھەرێمی کوردستانی پێسپێردراوە، سەرقاڵی ئیمزاکردنی گرێبەستە لەگەڵ کڕیارانی نەوتی ھەرێمی کوردستاندا، راشیگەیاندووە، ئەو پرۆسەیەش لە چەند رۆژی داھاتودا تەواو دەبێت و ھەناردەی نەوتی ھەرێمی کوردستان دەستپێدەکاتەوە.
پێشتر محەمەد شیاع سودانی سەرۆکوەزیرانی عێراق رایگەیاند، لە نزیکترین وادەدا ھەناردەی نەوتی ھەرێمی کوردستان دەستپێدەکاتەوە.