هاوپەیمانی: دەستگیرکردنی سەرکردەیەکی داعش لە لایەن “هەسەدە”وە

دێرەزوور – نۆرس پرێس

ئێوارەی دوێنێ شەممە، هاوپەیمانیی نێودەوڵەتی لە روپەڕی خۆیان راگەیێندراوێکیان بڵاوکردەوە، تیایدا هاتووە کە هێزەکانی سوریای دیموکرات، بەیانیی رۆژی شەممە سەرکردایەتیی ئۆپەراسیۆنێکی سەرکەوتوویان لە دێرەزوور کردووە و “مەحموود سەید”ی سەرکردەی داعشیان دەستگیرکردووە.

بە گوێرەی راگەێنراوەکەی هاوپەیمانیی نێودەوڵەتی، هێزەکانی سوریای دیموکرات بە راوێژ و پاڵپشتیی ئەوان “پلانێکی سەرکەوتوویان بۆ دەستگیرکردنی “مەحموود سەید” دارێژاوە، کە سەرکردایەتیی ژمارەیەک شانەی داعشی دەکرد”.

هاوپەیمانیی نێودەوڵەتی دەڵێ: ” ئەو شانانەی داعش، ئاسانکارییان بۆ ئەندامەکانیان لە بەدەستهێنانی چەک و تەقەمەنیدا کردوووە و پارەیان بۆ پاڵپشتیکردنی ئۆپەراسیۆنەکانی داعشیان لە سەرتاسەری ناوچەکەدا کۆکردووەتەوە.”

جۆنانسن فێرەر، گوتەبێژی هاوپەیمانیی نێودەوڵەتی لە عێراق و سوریا رایگەیاندووە: “سەرکەوتنی ئەم ئۆپەراسیۆنە لە باکووری رۆژهەڵاتی سووریا بەربەست بۆ تۆڕی چەک و دارایی داعش دروستدەکات”. دەشڵێت، هێزەکانی سووریای دیموکرات “بە هاوبەشێکی گرنگمان لە تێکشکاندنی داعش دەمێنێتەوە”. 

هەروەک هاوپەیمانیی نێودەوڵەتی جەخت لەوە دەکاتەوە کە هێزەکانیان بەردەوام دەبن لە راوێژ و هاوکاریکردنی هاوبەشەکانیان “بۆ فەراهەمکردنی ئاسایش و سەقامگیری لە سەرتاسەری ناوچەکە.”