حکومەتی هەرێم پشووی نەورۆزی راگەیاند
هەولێر – نۆرس پرێس
ئەمڕۆ پێنجشەممە، فەرمانگەی میدیا و زانیاری حکومەتی هەرێمی کوردستان رایگەیاند، بەبۆنەی هاتنی جەژنی نەورۆز رۆژانی سێشەممە، چوارشەممە و پێنجشەممە کە دەکاتە 21، 22 و 23ـی ئاداری 2023، لە سەرجەم دامودەزگاکانی هەرێمی کوردستان، دەبێتە پشووی فەرمی.
لە راگەینراوەکەدا هاتووە، رۆژی یەکشەممە، کە دەکاتە 26ـی ئادار دەوامی فەرمی لە سەرجەم دامودەزگاکانی هەرێمی کوردستان دەستپێدەکاتەوە.