یاده‌وه‌ری منداڵێك ئێش و ئازاری جه‌نگی سوریا ده‌رده‌خات
“ئارهزووم بۆ هه‌موو شتێك مردووه، به‌و شێوه‌یه له یاده‌وه‌ری منداڵێك سوری نوسرابوو، كه له ژێر دارپه‌ردوو بومه‌له‌رزه‌كاندا دیارنه‌ماوه.
له كاتی گه‌ران به دوای رزگاربووان له ژێر داروپه‌ردووه‌كان له شاری جیندرێسی رۆژئاوای عه‌فرین، كارمه‌ندانی فریاكه‌وتن په‌رتووكێكی یاده‌وری منداڵێكیان دۆزیه‌وه به ناوی ساره.
یاده‌ورییه‌كانی “ساره” گه‌وره‌یی ئێش و ئازای هاوڵاتیانی سوریا ده‌رده‌خات له‌و كاته‌وه‌ی كه جه‌نگ ده‌ستیپێكردووه‌و كاریگه‌ری نه‌رێنی له‌سه‌ر منداڵان و ده‌رونیان.
ساره له یاده‌وه‌رییه‌كانیدا نوسیویه‌تی “من دڵته‌نگم” هه‌روه‌ها ده‌لێت “ئارهزووم بۆ هه‌موو شتێك مردووه” و “ئازارم هه‌یه‌و پێ ده‌كه‌نم”.
